Ansyen kòmandan fwon rezistans lan nan Latibonit, wilfort Ferdinand alyas (Tiwil) ak Wadly Mlthon, reyaji nan miko laprès jounen jedi 6 oktòb 2022 a, swit ak deklarasyon Premye Minis Ariel Henry te fe yè swa. 2 òganizatè yo rakonte mouvman pral pran yon lòt faz.
Ansyen kòmandan fwon rezistans lan fè konnen, apati lendi 10 oktòb k ap vini la a, mobilizasyon yo pral chanje faz. Li mande ak tout moun ki nan gouvènman pou remèt demisyone yo, pou evite yo pa viktim nan nouvo vitès ki pral pase nan mouvman an. Li kontinye pou l di, nan ti rès jou yo la li envite popilasyon an pou degaje yo ravitaye paske nan jou k ap vini yo, bagay yo p ap pitit nan Depatman Latibonit la.
Yon lòt bò, Wadly Mithon ki se yonn nan militan k ap goumen pou fòse Premye Minis Ariel Henry kite pouvwa a, nan deklarasyon l fè konnen farin nan p ap vini nan menm sak. Li pwofite leve vwa li pou mande demisyon tout otorite andedan peyi a k ap sipòte PM Ariel Henry nan tèt primati a, espesyalman otorite ki nan soti nan site Endepandans lan tankou: Majistra vil la ak delege a.
N ap fè remake, jounen jedi 6 oktòb 2022 a, wout Dèdat la te bloke, sa ki te lakoz sikilasyon an pa t fasil ditou.
Israël CEDIEU, Centre à la UNE