Inite k ap Lite Kont Koripsyon nan peyi Ayiti a ULCC, mande pou responsab yo o nivo jistis peyi a mete aksyon piblik an mouvman kont Jean Willy Lazarre, ki se sipèvizè Sant Resepsyon ak Livrezon Paspò nan Komisarya Delma 33 a, aprè l fin resevwa 225 000 goud nan men kèk sitwayen pou sèlman 5 grenn paspò, ki ta dwe koute anviwon 60 000 goud.
Selon dènye rapò ULCC a, sipevizè Sant Resepsyon ak livrezon paspò nan komisariya Delma 33, Jean Willy Lazarre, patisipe nan yon dividal koripsyon nan pran kòb anplis sou moun ki vin fè demann paspò yo.
Toujou selon rapò a, sipevizè a dwe mete l disponib pou lajistis tande li sou plan Administratif epi antanke sipèvizè ak chaje misyon ministè Enteryè ak kolektivite Teritoryal (MICT). Sou plan penal, Aksyon piblik la ap an mouvman kont Jean Willy pou abi fonksyon, benefisyè vèsman anba tab.
Selon rezime rapò ankèt ULCC a, Willy ta egzije yon koup 225 000 goud, swa 4 fwa lajan nòmal la, pou li soti sèlman 5 grenn paspò pou yo. N ap raple, abi konfyans, pran lajan anba tab pini nan atik 5.1 nan lwa 12 mas 2014 la, sou prevansyon ak represyon koripsyon ULCC a.
Washington FLORVIL, Centre a la Une