Gwoup mizikal ki genyen non Zafem ki te sòti yon albòm ki gen pou Tit « LAS » nan dat 5 me 2023 a, ap bat rekò nan mond kiltirèl la, atravè divès platfòm estriming yo.
2 tenò nan mizik Ayisyèn nan tankou Reginald Cangé ak Dener Ceide avèk yon jèn fòmasyon mizikal rive ponn yon albòm yo kalifye de chedèv pa plizyè analis mizik, egalman pa divès moun yo kalifye kòm melomàn avize. L.A.S kise aparamman akwonim Lalin ak solèy, se yon plak ki gen 16 mizik sou li, ki rive re-mete pwojektè piblik ayisyen an sou konpa antanke jan mizikal epi kreye efori nan sosyete Ayisyèn nan.
Sepandan albòm sa pa selman ret Ayiti li rive travèse fwontyè pou touche tizè mizik nan tout mond lan, atravè platfòm estriming yo kote l ap bat gwo rekò, sa ki konsidere tankou yon grand premyè pou yon jèn fòmasyon mizikal Ayisyen.
Jan dikton an di l « Atizay pa gen lizyè » , e Zafèm ap pwouve sa nan fason l ap kreye plas li nan mitan gwo atis ak fòmasyon mizikal nan mond lan, Keseswa sou divès platfòm estriming tankou ; ITunes, Spotify, YouTube pou site sa yo sèlman. Selon plizyè medya ameriken albòm Zafem nan tabli kò l pami 15 meyè Bilbòd nan mond lan atravè divès klasman mondyal tankou ; nimewo 25, Pami Heatseekers, nimewo 50 meyè vant albòm aktyèlman, epi 87èm meyè albòm avèk anviwon 1500 ekzanplè ekoule.
Yon lòt kote kolaborasyon 2 atis yo fè pati kategori epi twouve yo nan pozisyon 36zyèm atis emèjan. Nap raple se yon grand premyè pou yon jèn fòmasyon mizikal Ayisyen rive fè tout eksplwa sila yo nan mond lan notamman avèk premye plak yo.
Jefferson Bonissant, Centre à la UNE