Nan yon nòt Ministè Edikasyon Nasyonal ak Fòmasyon Pwofesyonèl #MENFP mete deyò madi 14 jèn 2023 a, responsab yo anonse y ap pote divès chanjman nan sistèm Edikatif Ayisyen an e ka kòmanse aplike depi nan lane akademik 2023-2024 la.
Pami chanjman sa yo, nou remake koyefisyan pou kèk matyè tankou Kreyòl ak Syans sosyal ki pase de 200 a 300 pwen.
Yo fè konnen tou y ap ajoute yon nouvo matyè yo rele «Inisyasyon a teknoloji» ki li menm k ap genyen yon koyefisyan ki sou 200 pwen.
MENFP ajoute pou di aprè matyè lang yo, tout lòt egzamen yo ap prezante nan 2 lang ofisyèl peyi Ayiti ki se Kreyòl ak Fransè, kote Kandida a ap gen pou li chwazi egzamen nan lang li vle konpoze a.
Pi lwen, responsab yo nan MENFP ankouraje aprantisaj anglè ak espayòl depi nan 3zyèm ane fondamantal, sa yo kwè k ap mye ede aprenan yo adapte ak lang etranje sa yo.
Fragile Florince, Centre à la UNE.