Atak gang yo fè ant 22 ak 25 sektanm pase a nan Sodo ak Mibalè Depatman Sant Ayiti fè anviwon 30 mò, 15 blese plis 800 fanmi pati kite kay yo selon yon bilan ofisyèl direksyon proteksyon sivil bay madi 3 oktòb 20223 a.
Nan miz ajou sila proteksyon sivil fè sou atak gang yo nan 2 komin platosantral, yo fè konnen gang yo fè gwo dega materyèl tankou: bandi yo vòlè 14 machin, 10 moto. Yo boule 2 machin polis, yo boule yon komisarya , yo piye yon 20 tèn depo provizyon alimantè, yon famasi piye, 2 biwo mezon transfè sakaje, yon lopital sakaje. Se chif sa yo direksyon proteksyon sivil mete disponib sou atak gang yo.
![](https://centrealaune.com/wp-content/uploads/2023/07/FB_IMG_1677498204057-1.jpg)
Pwoteksyon sivil rapousib pou di genyen 800 fanmi ki pati kite kay yo ki ap dòmi nan kèk sit spontane nan depatman an kote moun sa yo bezwen asistans tankou: dlo, manje, kit ijyenik ak sanitè, matla, kouvèti, materyèl travay pou netwayaj ak apui siko-sosyal.
Nap fè remake direksyon proteksyon sivil pa presize si se bandi ki mouri oubyen sivil nan bilan ofisyèl yo mete deyò a.
Sadrax ULYSSE, Centre à la UNE