Ministè Agrikilti Resous Natirèl ak Devlopman Rial (MARNDR) fè konnen nan yon nòt pou laprès yo rann piblik jedi 21 sektanm 2023 a, yo sezi aprann nan laprès ke Minis Agrikilti
ta pataje ak Gouvenman Dominiken yon dokiman sekrè ki ta bay Prezidan peyi vwazen an rezon sou pozisyon li
pran nan dosye konstriksyon kanal Rivyè Masak la.
Nan nòt silaa, Ministè a ap pote yon demanti a deklarasyon sa ki parèt nan jounal an liy GAZETTE Haiti Jou ki 19 sektanm
- Ministè a di: se yon entèvansyon ki chita sou yon move entèpretasyon ansyen anbasadè Edwin Parison fè de yon
dokiman travay, yon nòt teknik ministè a prepare pou diskisyon entèn.
Toujou selon nòt la, Ministè agrikilti pwofite fè opinyon piblik la konnen li gen pou misyon pou ankadre tout peyizan ak agrikiltè,
epi tou defann enterè sektè agrikòl la. Se poutèt rezon sa. Ministè a toujou kenbe pozisyon pou Ayiti benefisye
san fòs kote resous li pataje ak Repiblik Dominikèn.
Pi lwen Ministè a di li ap pran dispozisyon pou li kontinye akonpaye chantye konstriksyon Kanal la, menm jan Gouvenman an te
mande I nan Deklarasyon jou kite 13 sektanm lan.
Ministè ap raple tout popilasyon an, li gen responsabilite pou travay konstriksyon Kanal la reponn ak nòm
teknik yo, yon fason pou pwoteje lavi moun ak anviwonman.
Yo fini pou di; Ministè a toujou rete disponib pou li chita ak tout sektè ki konsène pou yon pi bon planifikasyon pou chantye
kanal Masak la kontinye ak tout lòt chantye ki gen pou fèt. Ministè a salye detèminasyon, santiman patriotik ak solidarite popilasyon nòdès la.