Jounen mèkredi 29 novanm 2023 a, Kongrè Etazini an mande pou administrasyon Joe Biden nan pa bay nasyonalite Amerikèn ak migran san papye yo.
Senatè repibliken an Thom Tillis deklare li p ap diskite sou sekirite sou fontyè a si DACA vle bay aksè ak migran san papye pou jwenn nasyonalite Amerikèn. Alòs, li anonse tou, Pati repibliken an gen pou depoze yon pwojè lwa ki eskli san papye yo.
Thom Tillis, manm gwoup bipati Senatè yo di tou li pa opòten pou diskite sou refòm sou imigrasyon pou ede san papye yo. Selon Tillis plan bipati yo a konsantre sou: modifikasyon règ azil ak limitasyon lòt pwoteksyon yo tankou liberasyon kondisyonèl. Alòske, se diferan, pou pati Congressional Hispanic Caucus( CHC) ki opoze ak tout refòm ki prevwa modifye règ azil yo.
Yon lòt kote, senatè repibliken yo anonse y ap prezante pwojè lwa sou migrasyon yo nan Mwa Desanm sa pandan yo tou pwofite mande lokatè Kay Blach lan bidjè pou Ikrèn, Israyèl ak Taywan.
Washington Florvil, Centre à la UNE