<< Manda KPT a ap fini 7 fevriye men misyon an ki pa akonpli kapab etann li sou 10 a 12 lòt mwa >>, se deklarasyon konseye-prezidan Fritz Alphonse Jean nan emisyon << Se sa nou vle >> ki anime pa Rudy Sanon, mèkredi 3 desanm 2025 la.
Selon konseye a ki sanksyone pa Etazini pou relasyon prezime li avèk gang, popilasyon an pa t ap fè diferans ant manda ak misyon. Se sèten, manda KPT a ap rive nan bout li 7 fevriye men misyon li se kreye kondisyon sekiritè pou rive nan eleksyon, se sa li presize.
Pou li, kounye a, li kesyon pou pran mezi sa yo pou akonpli misyon an. << Se pa yon bagay 2 mwa nou rete, misyon nou se fè eleksyon >>, se sa Fritz Jean rapousuiv pou di. Konseye-prezidan Fritz Alphonse Jean sanble pa vle pati kite pouvwa 7 fevriye k ap vini la !
Jacky M. Fontaine, Centre à la UNE