Nan yon operasyon direksyon depatman Sant la menen wiken pase a lapolis nan Mibalè entèpele (6) moun, plizyè nan yo se manm 400 mawozo nan Kwadèboukè selon sa la polis fè konnen.
Moun yo entèpele yo se:
1-Cherelus Makenson alyas Ti kanada 38 lane moun Kwadèboukè, arete nan komin Laskawobas
2-Dony Camille 34 lane moun Kwadèboukè youn nan moun ki te prezan lè yo te ale pran enspektè a nan legliz la nan moman yo ta pral asasinen li.
3-Senat Jean Yves alyas pouchon 40 lane, yon chèf gang nan Domon, alye pè Lebren 400 mawozo ke lapolis nan depatman Sant t ap chèche depi lontan.
4-Fontus Manicile 36 lane moun Domon ki se madan pouchon.
5-Lubin Marie Venchelle 25 lane moun Kwadèboukè madan Dony Camille
6-Orelien Edith 64 lane madan Fantom ki te bay prezime 400 mawozo yo kay pou te kache.
Moun sa yo pou kounya fèmen nan gadavi pandan dosye yo ap prepare pou defere yo devan enstans konsène pou swit legal yo selon enfòmasyon la polis nan Mibalè rann piblik.