Tèminal vare anonse sou kont ofisyèl li ke genyen yon milyon sis katreven mil galon gaz dyezèl ki debake an Ayiti nan tèminal la madi 6 septanm 2022 a.
N ap siyale nan piblikasyon sila responsab yo pa di anyen sou kantite gazolin ki se pi gwo nesesite pou peyi a.
Pandan tan sa anpil nan antreprenè k ap vann gaz nan peyi Dayiti prefere fè rakèt ak gaz la sou mache lokal la oubyen al vann nan peyi vwazen an Repiblik Dominkèn paske galon gaz la vann anviwon 3 dola US Ayiti poutan Repiblk Dominikèn li vann anviwon 5 dola ameriken.
Ayisyen pa sispann pran lari nan dènye jou sa yo pou manifeste epi mande Leta Ayisyen asime responsabilite l nan problèm gaz sila ki genyen gwo konsekans sou lavi chè a.
