Pou konbat yon seri deriv ki genyen nan sistèm jidisyè Ayisyen an, biwo kominikasyon primati peyi dayiti sòti yon nòt lendi 5 septanb 2022 a pou enfòme popilasyon an anjeneral ak laprès sou ansanm program premye minis Ayisyen an ,Dr Ariel Henry ap travay.
Yon seyans travay ki kòmanse depi lendi 5 dawout 2022 a ansanm ak komisè gouvèman epi sibtiti komisè nan 18 jiridiksyon nan peyi a, kote yo debat divès sijè nan enterè peyi a epi pran kèk mezi apwopriye ak lalwa.
Gouvènman an pa rete la; nòt sila pale tou sou kesyon bandi k ap fè lalwa nan tout peyi a. Lokatè primati a voye yon piga kont tout liberasyon sispèk. Minis lan fè konnen ap gen diskisyon sou kesyon moun ki nan prizon ki poko janm jije yo pandan y’ap konbat kòripsyon ki anvayi enstitisyon piblik yo.
Se pandan rankont sila se yon gwo okazyon pou te fè echanj enpòtan sou tout kalite pwoblèm paketye yo genyen sitou sa ki gen pou wè ak mwayen k ap pèmet pakè yo fonksyone nan bon kondisyon.
Paketye yo kontan pwomès premye minis lan epi pran angajman dekonsè avèk gouvènman Ayisyen an pou fonksyone yon fason kap pèmèt tout Ayisyen plase konfyans yo nan lajistis peyi an.
Lè n’ konstate kantite deriv ki genyen nan sistèm jidisyè a, èske chita pale Sila ap pote yon rezilta konkrè nan jistis Ayisyen an?
JOSEPH Cenes : centre à la UNE