Depi aprè anons gouvènman an pou ogmante pri gaz la lendi 12 Septanm 2022 plizyè sitwayen nan kapital la tankou nan vil provens yo pran lari pou di non ak desizyon sila. Alòs, pou montre dezakò yo, sitwayen yo mete peyi a sou mòd lòk depi koumansman senmèn nan. Si gen kote anyen p ap fonksyone, gen lòt se dechoukay, piyaj ak dife.
Plizyè depatman te wè jou anba gwo mouvman leve kanpe Mèkredi 14 Septanm 2022. Nan Ti Gwav protestatè yo te rive sakaje Pakè e rantre nan SOGEBANK. Sitiyasyon sa yo pat diferan nan Nò peyi a. Nan Lwès, plizyè zòn pa gen aksè pou pyeton menm pyeton alewè pou machin pou jan barikad yo monte ak baryè an fè epi machin ki kanpe ankwa sou wout yo. Wout nasyonal #1 bloke depi nan zòn Akayè. Si gen gen kote yon bò wout yo bloke ak barikad. Nan nivo Dèlma sitwayen pote ale yon kofrefò yon bank, yo rantre nan plizyè magazen épi pote ale sa yo jwenn.
Protestatè yo nan kòlè yo pa epanye pèsòn si nan jou anvan yo, yo te manke boule kay André Michel ki se alye pouvwa ki la, yè jedi 15 Septanm se te kay Rica PIERRE ak Edmonde SUPPLICE BEAUZIL yo te atake, e menm manke mete dife nan lokal Televizyon Nasyonal Dayiti (PNH).
Nan Gonayiv chèn mobilizasyon an te men longè e mobilizatè yo menm gen tan piye e pote ale manje ak aparèy ki te nan lokal Caritas ak PAM (Program Alimantè Mondyal).
Yon pati nan Pèp lan nan lari ap lanse pawòl piman bouk kont ekip ki la, ap mande pou premye minis Ariel HENRY lagel pyel paskel pa vle tande ni wè gaz kap gwonde nan vant yo, menl pito vle ogmante doulè gaz yo. Seri mouvman sa yo vini a yon mwa rantre lekòl la,
kote mizè a pa sispann taye banda, gaz la toujou pa disponib nan pop yo, ensekirite a ap pran lajè chak jou pi plis, sann pa bliye anviwonman an peyi a ki anemi.
Antouka, lanp protestatè yo limen, se vre nou pa konn pou ki jou yap kite lari a, men yap chèche Doktè a.
Réginal LOUIS, Centre à la UNE