Selon yon sous nan Semanah nan rechèch k ap fèt yo pou twouve kèk moun ki te nan 2 bato ki fè kolizyon vandredi 18 novanm 2022 a, nan lanmè a nan Jakmèl depatman Sidès Ayiti, yo rive jwenn kò 3 moun ki mouri. Nan moun ki mouri yo genyen yon ti bebe 9 mwa.
Nan sware vandredi a te genyen 2 bato sa yo ki te frape ansanm ki fè kolizyon: metropole-2 ak Dieu Tout-Puissant. Selon sa abitan zòn nan rakonte 2 bato sa yo t ap pase nan lanmè a nan depatman Sidès peyi Ayiti. Bato metropole-2 a ki fè nofraj asire trajè Marigo Ansapit.
Pandan poko genyen chif pou konnen konbyen moun ki t ap vwayaje nan bato a, rechèch yo toujou ap ranpouswiv pou wè si yo ka kontinye jwenn lòt kò avan otorite yo bay yon bilan definitif sou evenman sila.
N ap siyale nan mwa oktòb 2021 te genyen yon bato ki rele Eklezias ki fè trajè Ansapit ak Marigo ki te fè nofraj te genyen plizyè moun pèdi lavi yo.