Davensly Pierre Charles, 6 lane ki te kidnape zòn Kafoufèy 25 novanm 2022 a, jwenn liberasyon li 15 Desanm 2022 a pa DCPJ. Fòs lòd yo tou pwofite arete Charly François ak Jefferson Jolicoeur gran frè viktim nan kòm sispèk nan kad dosye sila.
Polis nasyonal Ayiti fè konnen yo rive poze lapat sou Jefferson Jolicoeur ak Charly François gran frè viktim nan madi 7 Desanm 2022 a. Se komisarya Pòtoprens ki nan kapital peyi a ki te fè arestasyon sila.
Fòs lòd yo fè konnnen aprè yo te fin transfere 2 mesye yo nan Direksyon Santral Polis Jidisyè (DCPJ) madi 13 Desanm 2022 a pou suit ankèt yo, e se sa ki ta pral mennen tou ak liberasyon Davensly ki genyen sèlman 6 lane gras ak sipò komisarya Leyogàn nan Gresye plis marin Ayisyèn.
Pou kounye a 2 sispèk yo nan gadavi annatandan yo transfere yo Tribinal Premye Enstans Pòtoprens lan.