Laskawobas Seksyon wanpa lokalite gwo mounlen, jounen vandredi 6 janvye 2023 FODAL kise Solidarite Òganizasyon pou Arondisman Laskawobas fete 14zyèm anivèsè yo an prezans plizyèt lòt òganizasyon ki fè pati platfòm sila plis plizyè lòt pèsonalite nan komin laskawobas tankou: reveran pastè Dieunoit Dupermé, ansyen kandida pou pòs senatè Mèt cladonor Jacob Richard met, Denaud Kerel, met Furcy Jude, met Frantz Jolly responsab BaC laskawobas e savanèt la Ing Agr Ange Maner.
nan okazyon sila plizyè nan envite te pran lapawòl e fè fòmasyon tankou ing Agr Maner Ange te fè fomasyon sou agwo-ekoloji,
Konsekans kriz natirèl la e konsekans dirèk ak endirèk rechèch solisyon yo e devlopman dirèk pou te sansibilize patisipan yo.
Yon aktivite ki te fèt ak anpil animasyon lakontantman lakay peyizan yo. Yon lòt kote Amazan Gerard ki se responsab platfòm sila fè konnen nan lite ak tèt ansanm y ap travay pou kapab bay sèvis yo kabay nan kominote yo e mande chak zòn pou òganize yo pou devlope kominote yo jan yo kapab.
kòdonatè jeneral FODAL la Amazan Gerard kontinye pou fè konnen pandan egzistans yo nan kominote a yo aranje yo pou yo pa desann nan sant vil la pou pase mizè nan bank yo pou vin fè tranzaksyon lajan ankò, yo atann yo ,kès popilè yo nan zòn nan ki rele KEKG ki vledi koperativ ak kredi gwo moulen kote moun ka depoze lajan e prete lajan.
N ap fè remake 14zyèm anivèsè FODAL te fini nan yon anbyans kè kontan ak kominyon fratènèl.
Wisnic Rondeau, Centre à la UNE