Òganizasyon Fanm pou Devlopman Komin Tomasik (OFDT), denonse imilyasyon Dominiken yo ap fè Ayisyen sibi lakay yo. Se sa madam Délicieuse PAUL ki se kòdonatris òganizasyon an deklare jedi maten 12 janvye 2023 a.
Anpil nan moun sa yo ki rive Tomasik zòn frontyè ki separe 2 peyi yo pa prè lakay yo. Sa vle di yo se moun lòt kote. Moun sa yo pa kache santiman yo fas ak fason Dominiken bat yo, pran afè yo e mete yo deyò ak rad ki sou yo. Se estrikti sosyal sa ki fè kèt mete ak sa yo genyen pou vini an èd ak viktim sa yo ki demen vid selon sa yon viktim rakonte jounal la.
Youn nan Dirijant OFDT Madam Delicieuse PAUL ki kondane fason Dominiken ap vyole dwa Migran yo, swete dirijan peyi Ayiti yo reveye yo pou bay peyi a yon lòt direksyon, pou gen yon Leta fò, ki gen kapasite pou defann dwa Ayisyen kay vwazen yo. Pou li, se feblès Leta a ki rann pyès peyi pa respekte Ayisyen ki lakay yo.
Madam Délicieuse ki kwè se move lavi ki koz pèp la ap pati kite lakay li, estime dirijan yo dwe travay pou rive amelyore kondisyon vi ekonomik pèp la.
Jacuelin NAPOLÉON komin Tomasik depatman Sant Peyi Ayiti, Centre à la UNE