Nan yon operasyon Lapolis nan vil Mibalè fè madi 14 fevriye 2023 a, yo fè konnen yo sezi yon pistolè epi yo fè 4 arestasyon: Dominique Marc, Esthinphilj Louverture, Wilfrid Saint-Vil ak Jeanty Debouquet. Tout prezime sa yo nan prizon ap tann pouswit jidisyè ka yo merite.
Lapolis nan vil Mibalè fè konnen nan yon entèvansyon sa a yo fè madi 14 fevriye 2023 a, yo rive arete 4 endividi ki te gen zam mak toris kalib 40 nimewo SDT 04844. Ajan Polis Nasyonal Ayiti yo fè konnen nan batay y ap mennen pou tabli sekirite nan peyi a, DG PNH la, Frantz Elbé lanse yon operasyon ki pote non Tònad e ki gen plizyè faz.
Non 4 endividi sa yo se:
1- Dominique Marc, ki se yon prèt vodou li se moun Kòniyon
2- Esthinphilij Louverture, li se moun Kòniyon
3- Wilfrid Saint-Vil, moun kòniyon
4- Jeanty Debouquet, li menm ki se moun Laskawobas. Moun sa yo nan komisarya Mibalè ap tann pouswit jidisyè.
N ap raple, Lapolis nan Laskawobas, toujou nan depatman Sant, te fè yon lòt entèvansyon 12 fevriye a sou bandi ak zam, kote 4 bandi te mòtèlman blese. Kesyon sitwayen yo pa sispann poze, se èske sa ta vle di Plato Santral se ta nouvo zòn bandi yo sible pou kontinye mete latwoublay ? Pi lwen, popilasyon an ki fristre, pa sispann mande èd lapolis fas ak moute an puisans gang sa yo nan depatman Sant peyi a.
Joseph Samuel GUILLAUME, Centre à la UNE.