Sete yon 8 mas nan lane 1859,te gen patwon yo te asasinen 129 ouvriye fanm nan faktori tekstil paske yo tap manfe yon pi bon salè nan travay yo. Nan lane 1910, yo deside dekrete 8 mas lan kòm jounen entènasyonal dwa fanm yo.
Se nan menm sousi saa, MOFALAK kise Mouvman Fanm Lakay An aksyon ki baze nan Savanèt, Jerizalèm ak Kanaran pwofite jounen 8 mas 2023 pou kontinye reflechi sou tout kalite fòm vyolans fanm ak tifi yo kontinye ap sibi swa konsekans ensekirite jeneralize ki blayi sou tout peyi a, swa nan antrepriz ak nan enstitisyon yo kote yo pa sispann maltrete trete fanm.
Nan nòt saa MOFALAK pwofite mande leta ak sektè prive, òganizasyon dwa moun yo nan Ayiti pote solidarite ak fanm yonan peyi a pou ede sa ki viktim yo jwenn jistis e respè pou tout fanm an jeneral yon fason pou fanm yo kontinye viv nan lapè.
Kòdonatris MOFALAK lan, Saniece Petitphat pwofite okazyon an pou atire atansyon otorite yo sou vyolans fanm yo kontinye ap sibi nan zòn fwontyè yo. Sitou sou fwontyè migèl ak Wonndovay sou komin Savanèt, medam yo sibi anpil agresyon ak vyolans nan kad aktivite komès yap mennen sou fwontyè ayisyanodominiken an.
Pou fini, Kòdonatris MOFALAK pou komin Savanèt lan, Myriam Marius ansanm ak sekretè kominal MOFALAK lan, Ania Gervé mande lete ayisyen, sitou pouvwa jidisyè a pou yo resantre balon an pou peyi a pa fin chavire nèt. Li lè, li tan pou pèp ayisyen rale yon souf.
Florince Fragile, centre à la UNE