Manm popilasyon an touye ak kout baton, wòch epi boule jèn gason sa a ki se Wolf Jean-François nan vil Ench, aprè yo fin akize l kòm yon manm gang, e lè yo t ap kesyone l répons li yo pa t klè, daprè temwayaj kèk sitwayen. Krim sa a pase nan youn nan estasyon yo ki nan vil Ench, maten vandredi 12 me 2023 a.
Anpil moun nan popilasyon an aplodi aksyon sa yo kòm revanj kont bandi malfra ki pa sispann teyorize yo, konsa tou gen kèk lòt ki kritike pratik la, kote yo kwè gen kèk grenn inosan ki kapab rive viktim anba men popilasyon sivil la.
Divès moun k ap kesyone pa sispann mande, èske li pa t ap pi bon si popilasyon an ta arete sispèk la epi remèt li bay komisarya ki pi pre a, pou kesyone l e fè swit legal yo ?
N ap note, depi mouvman chase epi boule bandi sa a « Bwa Kale » kòmanse 24 avril 2023 a, se pou premye fwa popilasyon an komèt yon aksyon parèy nan vil Ench. Pou kounye a, rès kadav la rete soukont la meri Ench pou swit ne sensè yo ak li.
Jacquelin NAPOLÉON, Centre à la UNE.