Repiblik Dominikèn ak Kanada kalme tansyon an nan relasyon diplomatik yo ak adopsyon yon kominike ansanm, kote yo eksprime enterè yo nan kolaborasyon pou kanalize èd an Ayiti, kote Kanada te anvizaje posiblite pou tabli yon biwo sou teritwa dominiken an, jan sa te di nan kominike a.
De Leta yo deside «agrandi kòdinasyon an Ayiti, Kanada , Repiblik Dominikèn ak lòt kote atravè yon prezans diplomatik ogmante nan anbasad Kanadyen yo nan Pòtoprens ak Sendomeng.»
Pou sa, yo eksprime entansyon pou kolabore atravè yon seri akò ki enplike mobilizasyon lajan ak pèsonèl diplomatik.
Dokiman an di Kanada ak Repiblik Dominikèn gen relasyon bilateral solid epi yo se patnè ki dire lontan, enkli nan zafè sekirite rejyonal.
Deklarasyon an fè konnen tou 2 Leta yo rekonèt retabli estabilite an Ayiti pral diminye fado «dispwopòsyone» sou Repiblik Dominikèn, sèl vwazen ki pataje menm teritwa ak li, ki gen ladan l tansyon sosyal ak presyon bidjè ki te pwodwi nan sèvis sosyal Dominiken yo.
De nasyon yo te gen tandans sipòte yon solisyon alontèm. Yo rekonèt efò yo deja sou pye an Ayiti atravè Biwo entegre Nasyonzini an Ayiti (BINUH) ak nan mobilizasyon resous adisyonèl nan men Kanada ak lòt patnè, ki gen ladan dènye alokasyon adisyonèl 100 milyon dola ameriken peyi Kanada te ofri.
Nan yon nòt pou laprès Ministè Afè Etranjè Dominikèn pibliye, li endike de Leta yo rekonèt Repiblik Dominikèn te kolabore ak demann otorite Ayisyen yo, pou konsolide sekirite nan peyi sa a, fasilite aksè nan byen estratejik yo tankou gaz, epi sipòte sekirite pèsonèl diplomatik entènasyonal ki estasyone an Ayiti.
Anplis de sa, yo te apresye koperasyon kontinyèl ant gouvènman rejyon an ak otorite ayisyen yo, enkli Òganizasyon Nasyon Zini (ONU), ansanm ak efò ki te dirije pa Etazini, Kominote Karayib la (Caricom) ak lòt moun, ki gen objektif retabli leta de dwa an Ayiti ak soulaje ensekirite alimantè nan peyi a.
Sepandan, yo rekonèt grandè kriz la ann Ayiti mande pi gwo koperasyon entènasyonal pou devlopman, asistans imanitè ak sekirite. Sa enkli bati kapasite atravè dispozisyon ekipman, asistans teknik ak fòmasyon.
Konpreyansyon ant 2 gouvènman yo te fèt nan kad 53èm peryòd Sesyon òdinè Asanble Jeneral Òganizasyon Eta Ameriken yo (OEA).
Jean Launy AVRIL, Centre à la UNE