Nan yon nòt Ministè Kilti ak Kominikasyon peyi Ayiti soti jedi 14 sektanm 2023 a konsènan desizyon prezidan dominiken an, Louis Abinader pran pou fèmen tout fwontyè Ayiti ak Dominikani vandredi 15 sektanm lan depi 6 zè nan maten, Gouvènman Ayisyen an fè konnen Repiblik Ayiti, menm jan ak Repiblik Dominiken, gen tout dwa pou deside eksplwate rivyè Masak jan sa ekri nan akò 1929 la. Gouvènman Ayisyen an ap pran tout mezi ki nesesè pou pwoteje enterè pèp Ayisyen an.
Selon Gouvènman an, Repiblik Ayiti prefere chimen Dyalòg. Sepandan, se nan menm moman dyalòg yo t ap rapouswiv ant 2 pati yo nan ministè zafè etranjè peyi dominikani prezidan Abinader deside poukont li anonse fwontyè a pral fèmen.
Pou rezon sa a, gouvènman Ayisiyen an bò kote pa l mande pou pwoteje byen ak vi sou liy fontalyè 2 peyi yo. Anplis, li evidan pou tout konvansyon entènasyonal ki etabli sou dosye sa a respekte. Gouvènman Ayisyen an mande popilasyon Ayisyèn nan fè prèv metriz ak kalm, paske y ap pran desizyon pou Plèn Maribawo rive Wouze jan sa dwe fèt anba sipèvizyon Ministè Agrikilti resous natirèl ak Devlòpman Riral, nan tèt kole ak Ministè Anviwònman.
Kisa ki kache dèyè pwoblèm rivyè Masak la ? Se kesyon sitwayen Ayisyen yo pa sispann souvle pa rapòte ak fason Dominikani pran sa o serye.
Florince Fragile, Centre a la Une