Nan mesaj li pataje dimanch 21 janvye 2024 la, «pap François» mande pou bandi yo libere yon gwoup moun, pami yo 6 mè, yo te kidnape nan yon bis ki t ap transpòte yo vandredi 19 janvye a an Ayiti, selon Vatican News.
«Mwen aprann ak anpil tristès anlèvman, yon gwoup moun pami yo 6 relijye. Mwen ap mande ak tout kèm liberasyon yo. Mwen priye pou amonizasyon sosyal nan peyi a. Mwen mande tout moun pou mete fen nan zak vyolans yo ki fè anpil moun soufri nan popilasyon an.» Sa yo se mo Pap François.
Yon lòt pa, Monseyè Pierre André Dumas siyen yon kominike nan non konferans Ayisyen relijye yo, denonse kidnapin ki fèt sou relijye katolik yo. Li di » nou kondane ak tout fòs nou zak baba sa a ki pa respekte menm diyite fanm ki konsakre vi yo ak kè pou Bondye e tou ki ap fòme timoun ak jèn nan peyi a».
Evèk la rapousib pou di, sosyete Ayisyèn nan dwe fè yon feso solidarite ak tout moun ki kidnape nan peyi a pou mande liberasyon yo prese prese, pou yo retounen jwenn fanmi yo san yon branch cheve nan tèt yo pa rache.
N ap raple 6 mè kongregasyon Sainte-Anne yo kidnape ak lòt moun ki te nan bis la, pami yo chofè a. Mè yo kidnape pandan yo ta prale nan inivèsite.
Fodner P. LOUIS, Centre à la UNE !