Nan yon piblikasyon Anbasad Federasyon Larisi nan Lond an Angletè fè jounen mèkredi 27 mas 2024 la, responsab yo tataje yon mesaj Prezidan Poutine ki esplike rezon ki pouse Larisi atake Ikrèn nan, sa gen egzakteman 2 lane, yon mwa ak 4 jou.
Nan yon premye tan, Prezidan Poutine prezante rezon peyi li a angaje l nan gè a: « Larisi ap goumen pou defann enterè vital li yo, dwa li genyen nan pratike yon devlopman endepandan, endividyèl epi souveren.
Nan yon dezyèm tan, li moutre enplikasyon men kache peyi rival Larisi yo, ki fòse li deklare gè a » « Malerezman, mechan, konpetitè ak advèsè nou yo fòse nou defann enterè sa yo ak fòs ame, pou goumen kont moun yo ame ak fòme pou konbat Larisi sou teritwa yon Leta vwazen.
Finalman, li konkli pou moutre mond lan a ki enterè Larisi ap atake tout peyi ki vle fè tèt li pase pou yon obstak kont federasyon an: « Nan kondisyon nou ye jodi a, tout sa nou fè nan tout domèn nan lavi nou, lye dirèkteman ak siksè peyi Larisi nan respè. »
Sérondier LOUISIA, Centre à la UNE