« Larisi pral reponn ak eskalad konfli a nan yon fason fèm e simetrik. Elit dirijan peyi yo k ap mete kontenjan militè yo kont Larisi ta dwe reflechi sou sa. » Se sa Prezidan Ris la Vladimir Poutine deklare samdi 23 novanm 2024 la.
« Nan ka yon ogmantasyon aksyon agresif, nou pral reyaji tou nan yon fason fèm e simetrik, mwen rekòmande tout elit ki fè pati peyi ki planifye kontenjan militè yo kont Larisi yo panse sou sa seryezman. »
Nan jou ki sot pase yo, gouvènman Biden nan te otorize Ikrèn sèvi ak misil long pòte pou frape Larisi, sa anpil ekspè nan jewopolitik konsidere kòm yon anons pou yon posib 3èm gè mondyal la.
Yon lòt kote, Ikrèn gen chans reyèl pou l mete fen nan lagè a ane pwochèn, se sa Prezidan Zelensky te di. Li te note tou pwopozisyon Prezidan Ameriken an Donald Trump pou rezoud konfli a pral klè nan mwa janvye.
Konsènan plan Poutine nan, Zelensky te revele Poutine gen pou objektif pou chase fòs Ikrenyen yo nan rejyon Kursk anvan 20 janvye 2025, anvan envestiti Trump la.
Se sa Zelensky te deklare nan twazyèm konferans entènasyonal sou sereyal Ikrèn nan: (conférence internationale sur les céréales d’Ukraine.) « Li te ale pi lwen pou l di li enpòtan anpil pou l pa rete nan kontwole yon sitiyasyon li pa aktyèlman gen kontwòl.
Lagenson LAGUERRE, Centre à la UNE