Poutin pra l prezante lide li a bay pwochen prezidan ameriken Donald Trump kote li pra l anonse l, li pra l divize ikrèn an twa (3) pati.
Yo rapòte ke Kremlin pare pou l diskite sou yon lapè,se sa medya Reuters rapòte, kote li site aktyèl e ansyen ofisyèl gouvènman Ris la.
Kòm sa a soti nan yon dokiman sekrè nan Ministè defans Ris la, Kremlin gen entansyon divize Ikrèn an twa pati. Tout pati lès peyi a (Donetsk, Lugansk, Zaporozhye ak Kherson ), plis Crimée, ta dwe retounen nan Larisi. Dezyèm gwo pati nan peyi a (ki gen ladan l rejyon Kyiv, Soumy ak Odessa) yo ta dwe vin yon « antite eta pro-Ris ». Estrikti pouvwa nan zòn sa a pra l gen pèsonèl pro-Ris ak twoup Ris yo ki pral estasyone sou teritwa l yo pou asire kontwòl yo. Sa vle di « Ikrèn pral vin yon eta maryonèt anba kontwole Moskou ».
Rès pati ki pra l rete nan lwès Ikrèn nan, yo pra l rele l « teritwa konteste »pandan pra l gen negosyasyon ant Larisi
ak peyi vwazen yo – Ongri, Polòy ak Woumani. Se sa dokiman an rapòte.