Nan okazyon fèt Drapo a, òganizasyon Éveil Patriotique d’Action Sociale et Intellectuelle (EPASI) te òganize yon konferans-deba pou sansibilize jèn yo sou wòl yo nan konstriksyon nasyon.
Pandan li t ap pran lapawòl devan patisipan yo, kowòdonatè jeneral òganizasyon an, Wilson-Sydney Joseph, te souliye enpòtans pou ranfòse santiman apatenans lakay Jèn yo pou peyi a.
Li ankouraje jèn yo pou angaje yo aktivman nan inisyativ sosyal ak sitwayèn ki kapab favorize devlopman yon sosyete ki pi ekilibre ak enklizif. Responsab la te ensiste tou sou nesesite pou konbat fenomèn akiltirasyon an atravè valorizasyon prensip patriyotik yo.
Aktivite a te òganize an patenarya ak JCI, ki prezante kòm yon òganizasyon alye k ap evolye tou nan domèn sosyal la.