Pou mete bout nan pratik byen lontan nan fason resous natirèl yo konn esplwate nan mond lan, Nasyon Zini rive apwouve yon nouvo sistèm jesyon (UNRMS) pou jesyon dirab resous yo. Zouti jesyon dirab resous sila yo te prezante mèkredi 9 novanm 2022 a nan COP27 la.
Selon ajans Onizyèn ki nan Genèv, materyo nou konsome ki resikle yo anba 10% . soti 1970 rive 2017, eksplwatasyon Min yo triple nan mond lan pou rive 92 milya tòn chak ane.
Daprè etid yo si sa kontinye mond lan pral bezwen anviwon 190 milya tòn materyo chak ane rive 2060, selon alèt CEE-ONU k ap prone yon chanjman radikal nan fason n ap konsome, deplase, fabrike ak devlope pwodui nouvèl teknoloji yo.
Klasifikasyon Kad Resous Nasyonzini (CCNU) ofri kèk zouti pou jesyon resous antropik yo sitou resous sekondè yo. UNRMS ap travay ak peyi manb li yo pou itilize yon resous ki pral endispansab bese anprent kabòn ak ekoloji selon Charm El-Cheikh, Olga Algayerova ki se sekretè egzekitif komisyon ekonomik Nasyonzini pou Ewòp la ( CEE-ONU)
Malgre objektif ki fikse, sitou nan konferans klima yo nan mond lan, pa genyen twòp peyi ki fè gwo jefò pou respekte egzijans yo pou pèmèt yon anviwonman sen.
Sadrax ULYSSE