Nan yon nòt direksyon Ofis Nasyonal Vyeyès la (ONA) mete deyò jedi 17 oktòb 2022 a pou mande tout anplwaye enstitisyon an pou remèt administrasyon ONA kazye Jidisyè yo ke yo dwe ale fè nan Direksyon Santral Polis Jidisyè (DCPJ). Desizyon sa vini aprè lapolis mete anba kòd divès anplwaye ONA ki nan trafik minisyon ak lòt zak malonèt.
Nan nòt sila ki date 17 novanm 2022 a, direksyon jeneral ONA akòde 90 jou swa 3 mwa pou anplwaye li yo soumèt kazye Jidisyè yo.
Toujou selon nòt sa tout anplwaye ki fè tèt rèd ki pa remèt kazye Jidisyè yo a nan dat 3 mwa yo bay la ap tonbe anba sanksyon administratif yo.
Desizyon sila vini suit ak arestasyon Eddy Badio, yon anplwaye ONA polis nasyonal Ayiti arete nan Dèlma-19 mèkredi 16 novanm 2022 poutèt l ap alimante gang vilaj de Dye ak Matisan zam ak minisyon.