Nan okazyon jounen entènasyonal kont vyolans k ap fèt sou fanm ak ti fi ayè vandredi 25 novanm 2022 a, SOCVI ki se «Solidarité des organisations contre violence» nan tèt kole FECOLOL, te òganize yon jounen fòmasyon nan komin Laskawobas, zòn Gitoz Gaden ak plizyè manb e responsab oganizasyon tankou : MOVACAF, CLAD, Men nan Men, KOLOLA… anba tèm : Lite ansanm pou konbat vyolans k ap fèt sou fanm ak ti fi.
Yon lòt kote, Mesye Janel Delpe ki se Avoka militan dwa moun, ki te entèvenan nan kad jounen refleksyon sila, fè konnen se tout kouch nan sosyete a ki pou pote kole pou konbat tout fòm vyolans k ap fèt sou fanm, e òganizasyon yo dwe kontinye mobilize fanm yo, nan objektif pou yo pote plent lè yo sibi zak vyolans.
Bò kote pa l, kòdonatè depatmantal SOCVI a ki se Petit vil Princira, bò kote pa l fè konnen yo pa selman fè fòmasyon pou medam yo, men yo ede yo tou sou plan ekonomik, pou pèmèt yo agrandi biznis yo, e deja genyen plis pase 30 fanm ki jwenn yon prè pou agrandi biznis yo.
Wisnic Rondeau, Centre à la UNE.