Pou selman ane 2022 a sèvis imigrasyon nan Repiblik Dominikèn mete deyò anviwon 96 722 ayisyen sou tèritwa dominiken an selon sa jounal Listín Diaro fè konnen Jeudi 1 desanm 2022 an.
Nan politik migratwa Dominiken an gouvènman Luis Abinader a, te lanse yon pwosesis rapatriye tout ayisyen ki antre ilegalman sou tèritwa Dominiken an, selon sa jounal Listín Diaro fè konnen nan yon atik ki sou sit ofisyèl yo, e nan demach sila ni timoun ni granmoun pa epanye.
Pou sèlman ane 2022 a, Sendomeng voye tounen an Ayiti anviwon 96 722 ayisyen selon sa kotidyen Listín Diario fè konnen sou sit ofisyèl li.
Sepandan konsta yo bay anpil Ayisyen al refijye yo dènye tan sa yo nan Repiblik Dominikèn ki se yon Eta limitwòf ak Ayiti akoz pwoblèm sosyo-politik k ap ravaje peyi papa Desalin nan, sepandan gouvènman Luis Abinader a pa konsidere Ayisyen sila yo tankou moun ki byenvini sou tèritwa Rafael Trujillo a, kidonk yo lanse yon pwosesis rapatriman kont tout ayisyen ki antre ilegalman sou tèritwa dominiken an, sa ki bay yon total 96 722, ayisyen ke yo depòte.
Yon lòt kote kotidyen dominiken an ki se Listín Diario rapòte sòti lane 2016 pou rive novanm 2022 Repiblik Dominikèn mete deyò anviwon 38 3557 ayisyen ki te twouve yo sou tèritwa dominiken an.
Jefferson BONISSANT, Centre à la UNE