Polis Ayiti arete Réginald Beaugé pou enplikasyon prezime li nan vyole yon pitit fi li ki rele Regeline. Lapolis arete Reginald mèkredi 14 desanm 2022 a, devan radyo Caraïbe (94.5) aprè li te fin sot pale nan radyo a nan jounal premyè okazyon sou akizasyon an.
Selon sa Regine rapòte papa li genyen abitid vyole li depi tou piti e menm rive fèl jete pitit aprè li te fin tonbe ansent pou papa li.
Reginald Beaugé ki se papa Régine te kouri vini nan riyèl Chavane pou vin defann tèt li nan radyo Caraibe sou dosye sila yo voye akizasyon sila jete byen lwen.
Reginald ki te ankolè trete Regine pitit fi li ki akize li de vyòl de fatra nan moman entèvyou li t ap akòde ak jounalis radyo Caraibe yo.
Byen rapid polis nasyonal Ayiti te gentan kadriye perimèt radyo jis pou te mete Reginald anba kòd ki te akonpaye de madanm li nan radyo a.
Selon Mèt avoka ki genyen ekspètiz nan domèn nan fè kwè si lajistis ta jwenn Reginald koupab de sa pitit li reprochel la li riske pase 15 lane nan prizon.
Nan dènye moman sila yo ka vyòl yo pa sispann ogmante nan peyi Ayiti selon sa divès òganizasyon fanm fè konnen.