Direksyon Bidjè Ayiti pibliye sou sit ofisyèl li ayè mèkredi 28 Desanm 2022 a, dekrè bidjè gouvèman Ariel Henry a a adopte pou ane fiskal 2022/ 2023 a. Nan bidjè sa yo prevwa vwa ak mwayen ki totalize 267.5 milya goud. Resous domestik yo ki nan 164.1 milya goud, don yo se 40.4 milya e finansman yo se 63.1 milya goud.
Selon previzyon yo 78% vwa ak mwayen yo tounen resous domestik ak yon otè de 61.3%, resèt kouran yo 3.1%, bon trezò 0.5%, anilasyon dèt FMI yo 1.6%, lòt finansman entèn projè, 12.3%. Tandiske resous ekstèn yo se 21.1%
Pousa ki wè ak depans yo, gouvènman an prevwa nan bidjè a 57.9% pou depans kouran yo, depans kapital yo se 42.1%. Yo bay detay depans sa yo konsa: depans pou pèsonèl se 29.4%, depans byen ak sèvis 18.7%, sibvansyon 7.6%, enterè dèt 2.3%,
Pou depans kapital yo program ak projè yo pran 29.6%, depans imobilye se 1%, depans amòtisman dèt se 11.4%.
Bidjè a vize program sosyal, aplike plan relèvman entegre depatman Sid la, finansman kanpay agrikòl, lite kont kontrebann.
N ap raple pou egzèsis fiskal 2021-2022 a, gouvènman an te kolekte 110 milya goud sa kite fè yon mank agaye de 8.3 milya goud paske yo te prevwa 120 milya goud pou egzèsis la.