Prezidan Federasyon Entènasyonal Foutbòl Asosiyasyon (FIFA) mesye Gianni Infantino, te prezan nan peyi Brezil nan lide pou rann omaj ak Pelé. Patwon pi gwo enstans k ap dirije foutbòl la mande chak peyi nan mond lan rebay youn nan estad li yo pote non Pelé, pou rann li yon omaj mondyal.
Kèk jou aprè lanmò Pelé, prezidan FIFA a te rann li nan peyi Brezil, pou asiste ak omaj nan memwa wa Pelé a, rive nan estad ekip Santos la (Ekip Pele te konnen pi bon jou l yo kòm foutbolè), Gianni Infantino te pran lapawòl e di: « Nou pral mande pou tout peyi nan mond lan re-bay youn nan estad yo genyen yo pote non Pele ».
Yon konsiderasyon ki ta ka ede n mye sène sans ilojik pozisyon prezidan FIFA pati konsa : Pele te jwe yon sèl match nan peyi Lafrans nan mwa avril 1963 (Kolonb), fas ekip Frans lan. Nimewo 10 Brezil la te make 3 gòl ki te pèmèt ekip li genyen 3-2. Èske sa ta sifi pou bay Yves-du-Manoir pote non estad Pele jodi a?
Anpil lòt kesyon k ap poze ak deba k ap fèt sou divès platfòm toutotou de sijè a, toujou kesyone : Èske mande yon estad nan chak peyi ki pote non Pelé se yon senp lide ? Ou byen èske se yon pwojè FIFA ap kapab rive reyalize ?
Choumy Denizard, Centre à la UNE.