Anviwon 13 Polisye tonbe pou sèlman mwa janvye 2023 a an Ayiti, alòske ane a apèn kòmanse. Se sou nòt sa a, Kolektif Defansè Plis ki se yon òganizasyon dwa moun leve vwa li jedi 26 janvye 2023 a pou rele anba ensekirite, twòp san koule. Kolektif la lonje dwèt li byen long sou responsab Polis la ak tout Ariel Henry.
Kolektif Defansè Plis mande pi bon kondisyon travay pou polisye yo, swa nan ekipman, swa nan ransèyman. Garanti bon jan kouvèti sekirite pou polisye yo pandan yo nan operasyon. Òganizasyon k ap defann dwa moun lan swete tou pou yo byen jere lajan ki ensere nan bidjè a, ansanm ak tout lòt don ki destine pou enstitisyon polisyè a.
Pou fini, Kolektif Defansè Plis mande pou dirijan yo louvri yon ankèt san pèdi tan, sou fason polisye yo tonbe nan kad travay yo, san bliye akonpayman nesesè pou fanmi polisye sa yo.
Fragile Florince, Centre à la UNE.