Komisè Gouvènman Senmak la nan depatman Latibonit, Mèt Venson François lanse yon manda chache mennen vini kont majistra Komin Lyankou a, Ducarmel Mercy.
Manda sila ki date 16 fevriye 2023, reproche Majistra a pou asosiyasyon malfektè ak konplisite li ak gang Savyen an.
Aprè asasina 6 polisye yo nan Latibonit, Chèf gang Savyen an Luckson Belan te denonse operasyon lapolis te mennen nan baz li a, kote li te fè konnen si l ap bay Majistra a lajan pou bay polis yo manje, li pa konprann kisa ki fè se menm polisye sa yo ki ap atake li.
Majistra Ducarmel bò kote pal te voye jete byen lwen akizasyon sa kote li te fè konnen se zanmi nan dyaspora a ki se pitit Komin nan ki konn voye ti kòb pou li pou bay polisye yo manje.
Nan dènye tan sa yo non anpil ansyen otorite Ayiti ak aktyèl otorite site kòm moun ki nan tete lang ak gang.