Lapolis Dominiken arete Geraldo Brutus ki se youn nan prezime asasen 6 polisye Lyankou yo selon sa yo fè konnen . Fòs lòd Dominiken yo ki fè arestasyon saa 20 fevriye 2023 a, deja remèt Geraldo ak otorite Ayiti yo.
Alòske bandi ak gwo zam fann fra te imilye 25 janvye 2023 a, anviwon 6 polisye nan Lyankou kote yo te vide bal sou yo epi rache yo ak manchèt.
Nan kad dosye sila otorite Dominiken yo fè konnen yo arete Geraldo nan sware lendi 20 fevriye 2023 a nan yon vil provens yo rele Duvergé nan Repiblik Dominikèn.
Annviwon yon mwa aprè asasina 6 polisye yo nan Lyankou bandi yo kontinye ap vale tèren kote plizyè komisarya oblije fèmen pòt yo tankou: Lyankou, Lestè, Tirivyè ak Vèrèt.
N ap fè remake malgre enstalasyon Godson Jeune ki se nouvo Direktè Depatmantal Latibonit lan pa genyen anyen ki chanje nan kriz ensekirite a.