organisation des Citoyens Contre la Pauvreté (OCCP), ki genyen fondatè li Acfénès Antoine, Association des Femmes Solides pour le Développement de Juanaria. ( AFSDJ) ak
Village MED Aux Etats Unis d’Amerique ki genyen nan tèt li Nancy Quincy lanse projè konstwiksyon yon sant sante nan seksyon Jwanarya komin Ench Ayiti vandredi 24 fevriye 2023 a devan plizyè otorite ak notab nan zòn nan.
Nan diskou li nan okazyon an, responsab OCCP a te profite deplore sitiyasyon difisil moun nan zòn nan k ap mouri akoz swen sante yo pa rive jwenn. Li kontinye pou li di souvan moun yo fè konnen se djab k ap manje yo poutan se swen sante yo pa jwenn.
Nimewo en (1) OCCP ale pi lwen pou remèsye chak grenn òganizasyon patnè li yo ak chak grenn moun ki te pote kole pou rive kontribye nan fason pa yo pou ede kominote a benefisye projè sant sante sila.
Projè konstwiksyon sant sante sila ap koute san venn de mil sèt san katòz dola Ameriken ( $122 714) e yo deja genyen Pauleus ak Adrien Antoine ki fè yo kado 14 santyèm tè kòm patisipasyon kominotè.