Anviwon twa semèn aprè tranblemandtè mayitid 7.8 ki devaste zòn Sidès peyi Latiki, ki touye plis pase 50 000 kretyen vivan pouse plis pase yon milyon moun nan lari, puiske yo pa gen kote pou yo rete.
Jounalis envestigasyon Murat Agirel revele nan jounal opozisyon an, CUMHURIET, gwoup kwasan Wouj nan peyi Latiki vann ONG AHBAP tant pou 2.3 milyon Ewo, yon nouvèl ki fè anpil tole sou rezo sosyal yo, e ki avili gwoup kwasan Wouj nan peyi saa.
Haluk Levent ki li menm se atis enpi fondatè ONG AHBAP, rekonèt li achte 15 250 tant, ladan yo gen 2 500 li te achte nan Kizilay, gwoup kwasan Wouj, sou twazyèm jou aprè seyis la, pandan otorite Tik yo lanse SOS pou fè don ak ONG kwasan wouj, kizilay, AFAD ki se òganis ki la pou fè entèvanson nan domèn èd imanitè.
Ansanm sitiyasyon difisil sa yo vin rann otorite yo nan peyi a pèdi konfyans popilasyon an chak jou ki jou, alòske yo nan peryòd kote eleksyon ap rapwoche. Nan sans sa a, laprès endepandant ansanm ak opozisyon an nan peyi a fè konnen li ta pi bon pou yo atribye responsabilite yo ak pwofesyonèl, ki gen konpetans nan domèn èd imanitè.
Divès peyi ki aplike sistèm kapitalis la, trè souvan, fè fas avèk anpil ka kòripsyon. Youn nan rezon ki esplike sa, se paske Leta peyi sa yo pa gen tout menmiz yo sou ekonomi peyi a osnon yo fèb parapò ak klas ekonomik la ki dominant.
Fragile Florince, Centre à la UNE.