Yon karantèn kodonatè Konsèy seksyon kominal nan tout peyi a sezi kabinè Jn-Baptiste, rive some ministè Planifikasyon ak Koperasyon ekstèn pou ba yo 6 milyon goud lajan devlòpman Leta te pwomèt yo. Kabinè Mèt Lérès Jean-Baptiste deklare Lendi 20 mas 2023 a, li konte sezi ULCC kont Reskonsab Ministè Planifikasyon yo.
Se leta Ayisyen ki te mete fon sila, a dispozisyon kòdinasyon Seksyon kominal yo nan bidjè 2017 la, nan sousi pou fasilte seksyon yo jwenn finansman pou fè kèk program pou ede amelyore kèk problèm peyizan yo ap andire nan zòn yo. Poutan, malgre kòdinasyon an soumèt dokiman pwojè yo, Ministè Planifikasyon pa janm di yo anyen malgre tout demach yo fè deja.Lajan sa te dwe kòmanse nan lane 2017, yon milyon goud pa ane.
Jiris la ki rankontre ak la près 20 mas 2023 a, fè konnen sou demand kòdinasyon yo, yap fè pouswit dosye a jiskobou. Pi lwen, li di li regrèt anpil lè l konstate fason pwòp moun ki wo plase nan leta a, k ap rann sitiyasyon peyi a vi n pi difisil nan pratike kòripsyon san rezèv nan tout nivo.
N ap siyale aprè bon jan ankèt, KAZEK yo reyalize gen yon senkantèn kwòdinasyon ki te rive jwenn lajan sa a.
Jacquelin NAPOLÉON, Centre à la UNE