Polisye kou sivil pa sispann tonbe, komisarya ap boule, pandan Nasyonzini ap nome gwo espès defansè dwa moun an Ayiti
Pierre Paul Junior Dorcely, Nicolas Robenson, Medèze Fortilien, se non 3 dènye polisye sa yo bandi nan Pòtoprens asasinen dimanch 9 avril 2023 a nan Tomasen 48, daprè sa sendika Synapora fè konnen. Se pa premye gwoup polisye ki tonbe anba bal puisan bandi yo pou nouvo ane sila, piske soti 10 janvye pou rive 09 avril 2023 a, bandi yo deja asasinen 18 polisye nan divès depatman an Ayiti.
Pi lwen, bandi Savyen yo ki nan depatman Latibonit peyi Ayiti, piye epi boule rapyetè komisarya Ti Rivyè a nan jounen madi 11 avril 2023 a. Sa prèske genyen pratikman 3 mwa depi komisarya Ti Rivyè a abandone bay gang k ap opere nan Savyen an, sa fèt depi aprè lanmò 6 polisye yo nan depatman an 25 janvye pase a.
Poutan, William G. O’Neill yo di ki se yon nouvo ekspè nan dwa moun an Ayiti, antre an fonksyon mèkredi 12 avril 2023 a. Se chèf dwa moun yo nan Nasyonzini, @Volker_Turk, ki nome li. N ap note, fas ak nivo vyolans dwa moun yo an Ayiti, menm O’Neill sa a te deklare 21 mas pase a, se yon wont pou AYITI nan eta sa a, poutan li plase ant sèlman 1:30 ak peyi Etazini.
Antouka, sitwayen yo ki swaf jistis nan tout nivo, pa sispann mande otorite lokal yo, ni entènasyonal la pou yo sispann pase mas pèp la nan betiz ak yon pil chita pale sou AYITI, men ki pa janm ko pote anyen de konkrè pou yo fas ak divès eta trè kritik y ap fè fas nan pwòp peyi yo.
Sérondier LOUISIA, Centre à la UNE.