Direksyon Jeneral Ofis Asirans Veyikil Kont Tyès (OAVCT) soti yon sikilè vandredi 14 Avril 2023 a, pou rasire anplwaye enstitisyon an li panse ak difikilte y ap fè fas yo, pandan l ap fè sa l kapab pou aji pou yo.
Selon nòt sila, DG enstitisyon an Fritzner Bernadel fè konnen li renouvle angajman li pou modènize sèvis la pou kliyan yo ak ogmante kapasite staf teknik la pou enstitisyon an ka prospè pou peyi a.
Pi lwen, DG a presize lavi vin pi chè chak jou, nan lide pou valorize efò anplwaye yo li pran nòt de tout revandikasyon anplwaye yo ki se: inifòmize salè tout anplwaye, ajiste salè ak avantaj sosyal yo.
DG Bernadel profite anonse tout pèsonèl biwo a y ap travay sou yon avan ptojè lwa amandman, sitou kad legal OAVCT a, ki se lwa 8 septanb 2003 a jis pou bay suit ak renvandikasyon anplwaye yo.
Direksyon jeneral la fini pou di li konte sou bon jan konpreyansyon ak sans responsabilite tout anplwaye li yo.