Lapolis Ayiti anonse yo rive arete Frantz Casimir ki se youn nan manb gang Izo segond ap dirije nan vilaj de Dye. Fòs lòd yo fè konnen yo fè arestasyon sila dimanch 16 Avril 2023 a sou channmas nan Pòtoprens Ayiti.
Lapolis rapòte yo arete Frantz nan yon machin toyota RV4 ki genyen plak AAA- 79830.
Fòs lòd di yo genyen bon jan enfòmasyon ki fè kwè Frantz ta enplike nan kidnape plizyè moun nan zòn; ri Monseyè Giyou, ri Sentonore, zòn lopital inivèsite leta…
La polis kontinye pou di Frantz Casimir alyas Ti dou oubyen CP genyen pou wòl tou nan gang 5 segond lan pou ale likide sou mache a machandiz gang nan volè.
Pou kounye a CP nan gadavi ap tann suit jidisyè yo.