Ajan Direksyon Jeneral Migrasyon Dominikèn (DGM) jwenn lòd madi 19 avril 2023 a pou yo arete 39 Ayisyen prezidan Abinader te entèdi antre Repiblik Dominikèn yo, si yo ta tante antre nan peyi a.
Pòt pawòl Direksyon Jeneral Migrasyon (DGM) repiblik Dominikèn nan, Nelson Gutierez, anonse menmsi okenn nan 39 Ayisyen Luis Abinader sanksyone yo p ap viv sou teritwa Dominiken an, men gouvènman an bay lòd pou arete yo nenpòt kilè yo ta foule tèritwa a.
Daprè pòt pawòl la toujou, depi otorite lajistis Dominikèn yo ta enfòme de prezans youn nan Ayisyen sanksyone sa yo sou tèritwa a, lapolis Dominikèn ap arete l epi fè l tounen Ayiti.
Yon lòt kote, nan yon kòrespondans prezidan Luis Abinader te voye bay Direktè Jeneral Migrasyon an, Venancio Alcántara, nan dat 14 Avril 2023 a, li entèdi antre sou teritwa Dominiken an 39 Ayisyen ki ta prezante yon menas pou enterè ak enstitisyon peyi a.
Pami Ayisyen sanksyone yo nou jwenn: pèsonalite politik, biznisman, ansyen minis, ansyen palmantè, chèf gang ak responsab legliz Episkopal yo.
N ap raple, repiblik Dominikèn pa premye peyi k ap sanksyone divès pèsonalite Ayisyen sa yo. Se peyi Kanada ak Lèzetazini ki te kòmanse.
Washington FLORVIL, Centre a la UNE