Nan yon konferans pou laprès yo bay nan vil Ench madi 02 me 2023 a, alye HCT yo pou mande kontinite aplikasyon akò 21 desanm nan.
13 kòdonatè kominal endepandan ki soti nan osyete sivil la, ki fòme ak reprezantan diferan estrikti òganize atravè depatman Sant ki la pou ede fasilite akò 21 desanm nan, di yo gen gwo kè kase pou fason zak vyolans yo ap kontinye prodwi anndan peyi a nan dènye tan sa yo.
Komisyon an denonse lantè dirijan HCT yo nan kad aplikasyon pwen sa ki nan akò 21 desanm nan, tankou Fowòm sou sekirite a ak Kreyasyon ògàn kontwol la.
Komisyon sa ki gen nan tèt li Pwofèsè Claudi JEAN, ki te rankontre ak laprès jounen maten a, ankouraje dirijan HCT yo ak tout gouvènman an pou yo travay pou rive jwenn yon pi bon fòmil pou rezoud pwoblèm ki gen nan peyi a epi evite anpil inosan tonbe nan plas koupab yo.
Pwoblèm peyi a ki trè konplèks p ap ka rezoud nan eksklizyon, e se pa etranje k ap vin rezoud li pou nou, daprè komisyon an ki plede anfavè yon vrè inite bò kote tout sektè, pou bay peyi a yon lòt direksyon; pou nou rive òganize bon jan eleksyon e dote peyi a de dirijan lejitim epi reskonsab.
Jacquelin NAPOLÉON, Centre à la UNE