Nan kad efò k ap fèt pou modènize Fòs Lame d’Ayiti yo (FAd’H) ak ranfòse koperasyon rejyonal yo nan domèn sekirite, yon delegasyon ayisyen Konseye Prezidan Smith Augustin ap dirije, akonpaye ak Misyon Pèmanan Ayiti nan OEA, te chita pale ak Konsèy Egzekitif jent Defense Intè-Amerikèn nan jounen lendi 14 avril 2025 la nan Washington.
Men pwen esansyèl reyinyon an:
- Remèsiman ak JID pou sipò istorik li, sitou pandan preparasyon Liv Blan sou Sekirite ak Defans Nasyonal la (2014-2015), yon dokiman estratejik ki se yon bousòl pou devlopman enstitisyon militè peyi a, ki pral mete ajou e ranfòse parapò ak defi sekirite aktyèl yo, epi swiv eleman dokiman kad yo te diskite pandan reyinyon an.
- Prezantasyon vizyon gouvènman ayisyen an: bati yon lame repibliken ki modèn, ki enklizif, ki respekte dwa moun, e ki angaje pwofondman nan sèvi popilasyon an.
- Fòmasyon ak kapasite pou fè respekte lalwa: Gouvènman Ayisyen an eksprime volonte li genyen pou li fòme 20,000 sòlda pandan 4 lane, ak modil espesyalize nan jesyon kriz, entèvansyon ame kont ensije, sibèsekirite, kont teworis, ak operasyon sekou pou katastwòf natirèl. Nan kad ranfòsman sa a, delegasyon an te mande asistans nan mete kanpe yon akademi militè ki dedye a fòmasyon ofisye yo, ansanm ak kreyasyon estrikti lokal fòmasyon pou sòlda yo nan lòd yo fasilite devlopman otonòm ak dirab nan resous imèn nan FAD’H a ak yon repons estratejik adapte ak defi sekirite aktyèl yo.
- Relansman koperasyon rejyonal: Eksprime dezi pou ranfòse lyen koperasyon ak IADB, Kolèj Defans Entè-Ameriken (IADC) ak Sekretarya pou Sekirite Miltidimansyonè (SSM) OEA, nan lide pou fè echanj ekspètiz, pataje enfòmasyon, ak ranfòse kapasite teknik ak syantifik FAD’H. Misyon estratejik sa a montre angajman fèm Konsèy Tranzisyon Prezidansyèl la pou retabli sekirite dirab ann Ayiti lè l bay enstitisyon repibliken yo resous imen ak materyèl modèn pou fè fas ak defi 21èm syèk la.
Se sa biwo Kominikasyon Prezidans Prezidans lan pibliye nan kad yon kominike pou laprès.
Sérondier LOUISIA, Centre à la UNE