Poukisa yo toujou ap pale de yon dat konsa?

Se nan dat 25 Novanm 1960, sou lòd chèf leta a, Rafael Trujillo, yo asasinen 3 sè Mirabal yo Minova,Teresa ak Patrisia paske yo tap defann dwa yo pandan yo tap lite kont rejim bout di diktatè Trujillo.

Se nan lane 1981, Mouvman fanm yo nan karayib la te kòmanse fè lòbi kont abi sou fanm. Konsa, nan lane 1993 Nasyonzini pwopoze dat sa a kòm jounen entènasyonal lit kont vyolans sou Fanm ak tifi. Nan dat 19 oktòb 1999 pandan 54 ème konferans Nasyonzini yo te vi n adopte dat sa a,malgre sa li pat ofifyèl,Nan menm sans sa, 17 desanm 1999, Òganizasyon Nasyonzini, pran rezolisyon 48/104 la pou adopte ofisyèlman dat 25 novanm lan kòm jounen entènasyonal pou kwape vyolans sou fanm ak tifi.

Rezolisyon sa a se yon rezolisyon ki sitou envite gouvènman yo, sosyete sivil, òganizasyon entènasyonal yo, ONG yo, òganizasyon fanm yo, jèn yo, sektè prive a, medya yo ansanm ak òganizasyon ak tout sistèm Nasyonzini an pou mete fòs ansanm pou fè faskare ak pandemi vyolans sa a ki gaye tout kote nan mond lan kont fanm ak tifi yo.Nou konnen plis kounye a!
Ak tout konpetans sa yo ann lite pou n kwape vyolans sou Fanm ak tifi.

Sanièce Petit phat Fondatris MOFALAK(Mouvman Fanm Lakay ann Aksyon)

By Centre à la UNE

Centre à la UNE se yon miltimedya sou entènèt ki te fonde 9 jiyè 2020. Li espesyalize nan bay nouvèl nan lang kreyòl, yon angajman ki reflete vizyon fondatè yo pou fè enfòmasyon pi aksesib pou kominote kreyòlofòn yo. Medya a genyen yon misyon pou enfòme, sansibilize, epi angaje moun sou sijè enpòtan nan sosyete a. Miltimedya sa a prezante atik, analiz, ak editoryal sou diferan domèn tankou dwa moun, politik, ak sosyete. Chak jou, editoryal li yo adrese pwoblèm enpòtan, souvan ak referans ak sitasyon otè ki enspire refleksyon pwofon sou kondisyon jèn Ayisyen yo ak sitiyasyon sosyo-politik Ayiti. Kòm yon medya angaje, li gen yon apwòch edikatif epi li chache ankouraje konsyans ak refleksyon nan mitan lektè li yo. Jounal sa a se tou yon espas pou kreyativite kote li prevwa pou ajoute caricatures k ap ilistre nouvèl oswa evennman k ap pase yo. Centre à la UNE se yon referans pou moun ki vle rete enfòme nan lang yo pi byen konprann. Nouvèl nou yo kredib e verifye ak yon rezo jèn jounalis profesyonèl e konpetan. Ou ka kontakte nou nan: journalcentrealaune@gmail.com e +549 351 262 7841