Gouvènman dominikèn an te rapòte Dimanch pase ki 21 Dawout 2022 ke y ap avanse nan konstriksyon miray la ,pwojè yo se bati 164 kilomèt sou fwontyè yo a ak Ayiti e yo pwofite mande sèt konpayi yo soumèt pwopozisyon pou kontinye ak dezyèm faz pwojè a, ki ap pèmèt yo « kontwole » migrasyon ilegal yo.
Premye etap konstriksyon miray sa, ki se an total 54 kilomèt yo dwe bati, « se deja yon avanse » e yo espere li fini nan mwa fevriye 2023, Ministè Defans lan (MIDE), ki responsab travay la, te di nan yon deklarasyon. .
Koulye a, apèl la louvri nan sèt konpayi « nasyonal ak entènasyonal » pou yo bati dezyèm faz la, ki kouvri an total 110 km.
Bò kote miray la, yo tou konstwi yon wout an tè, mete ansanm ak kamera siveyans ak « pòtay nan kote espesifik » yo pral bati. « Y ap konstwi yon enfrastrikti adekwat pou kontwole mouvman moun, machin ak komès ak sitiyasyon sosyal konplèks ki parèt alantou 391,6 kilomèt yo » ki separe nasyon yo.
Dezyèm etap travay sa « konpoze yon estrikti nan miray beton ranfòse kont siklòn ak kadriyaj nan pwofil asye ak konsèten sou tèt li , » minis la te ajoute nan deklarasyon l.
Pwojè kontwovèsyal sa pral gen yon envestisman apwoksimatif 31 milyon dola, e prezidan Dominiken an, Luis Abinader, te pwomouvwa pou « kontwole » migrasyon ilegal ak mafya ki ap opere sou fwontyè yo ak Ayiti.
Yon gwo kantite Ayisyen k ap travay iregilyèman sou tè Dominiken travèse la, sitou nan konstriksyon ak komès itineran.
Òganizasyon defans imigran yo kritike inisyativ miray la, konsidere ke li pral pwovoke » senofobi ak rasis . » Repiblik Dominikèn genyen 10,5 milyon abitan, 500 000 ladan yo se Ayisyen, dapre Sondaj Nasyonal Imigran yo.
