Anviwon 15 moun arete epi lapolis sezi yon kantite machandiz nan aprè yon group dechoukè te atake yon biznis nan Okap
Nan manifestasyon pati politik pitit Dessalines reyalize nan Okap Depatman Nò Ayiti mèkredi 5 oktòb 2022 a, te fini ak yon sèn piyaj nan yon magazen ki vann pwodwi alimantè ki twouvel nan seksyon kominal « petite Ansse », lokalite « Madeline »e la polis anonse arestasyon yon 15 zèn de moun.
Yon group nan manifestan yo ki te mache ak zam blanch epi gagoul rantre nan magazen ki vann pwodwi alimantè ki nan lokalite « Medeline » seksyon kominal » Petite Anse » epi pote ale anpil pwodwi, ta pral jwenn repons rapid fòs lòd yo ki te tire anpil gaz lakrimojèn pou reprann kontwòl sitiyasyon an anplis, limite dega yo.
Selon pòt pawòl polis Nò a enspektè Arold Jean, lapolis arete anviwon 15 moun epi rekipere 8 sak sik, 3 sak diri, plizyè kès lwil, 1 rach, 1 manchèt ak plizyè telefòn
N ap siyale se 4yèm antrepriz nan Kap Ayisyen ki sibi zak piyaj depi seri mouvman protestasyon ki deklache pou mande Ariel Henry rache manyòk li nan tèt peyi Dayiti.
Kredi: NAP