Avan 78èm sesyon asanble jeneral Nasyonzini an, Sekretè deta Etazini an Anthony Blinken, diskite ak sekretè jeneral Nasyonzini an Antonio Guterres, sou dosye Ayiti a
Sekretè Deta peyi Etazini Antony Blinken pale Samdi ak Sekretè Jeneral Nasyonzini an, Antonio Guterres, kèk jou sèlman anvan 78èm sesyon Asanble Jeneral Nasyonzini an.
Asanble Jeneral la pral tanmen Madi nan Nouyòk.
Daprè yon nòt pou laprès Depatman Deta voye bay VOA, Blinken ak Guterres diskite sou divès kesyon tankou Inivyativ Sereyal Lanmè Nwa a, lagè Larisi ap mennen nan Ikrèn nan epi ensekirite a an Ayiti.
Responsab yo diskite sou priyorite Etazini yo pou Asanble Jeneral la – pami yo ranfòsman prensip de baz Chat Nasyonzini an ak Deklarasyon Inivèsèl Dwa Moun nan.
Yon lot priyorite Etazini genyen se modènizasyon LONU pou fè fas ak defi 21èm syèk yo epi kijan pou pwoteje anviwonman an.
Etazini oganize kèk rankont pandan semèn asanble a ki va konsantre sou menas medikaman sentetik yo, entelijans atifisyèl epi gwo pwojè enfrastrikti.
VOA Kreyol ap sou plas nan Nouyòk pandan semèn nan pou kouvri tout sa ki gen pou wè ak Ayiti nan Asanble Jeneral Nasyonzini an.
Sadrax ULYSSE, Centre à la UNE